(若大家喜歡我鏡頭下的馬拉松風景,不妨Click樂施會的標誌,資助他們的扶貧工作)

2007年9月30日星期日

放假

周六休假,原本一直決定,留守倫敦圖書館刨艱深的伊斯蘭教教義!但最終還是覺得,還是趁假期出外走走、呼吸新鮮空氣,總比留在房自閉健康,於是隨F小姐及P先生,到東南部的海岸,Brighton、Rye及Cantebury走走。英國消費高昂,這樣玩一天,交通費350元、食飯連食雪糕近200元、盛惠550。
三個人到Brighton,剛好可以買團體火車票,便宜1/3,但也要11鎊半。若湊夠四人買團票可以更便宜,從來相信錢比面子重要的版主,繼續其cheap精性格,主動向排後面的鬼佬搭訕,問他是否也到Brighton?不如一起買團票啦!點知個鬼佬懷疑版主是寶藥黨,寧願花錢買正價票,也不願與版主「勾結」省錢!塞錢落佢袋都唔要,無辦法啦!
Brigton天陰,像快要下雨,Brighton到了Royal Pavilon後即走,幸好剛剛趕得及10時52分的火車到Hasting,要不然又不知要等多久。到Hasting後再轉到Rye這個小鎮,Rye整體乾淨,是很英式的小鎮,但最感動還是那間午餐那間餐廳,每人食了八磅,有羊腿、意粉及當地製的腸,職員服務態度好,tap water還有一片檸檬!連Cheap精版主也願意付tips。
到Cantebury的火車旅程中,終於看到陽光。Cantebury有兩個Unesco的遺址,整個小城有宏偉的古教堂、小小的市集、各式各樣的店鋪,H&M, M&S, 大型Tesco, Gap, Benetton也有,難以想像一個小城如何有那麼多人消費?但花最多時間,還是在那間唔知叫T乜乜的朱古力店,排隊買雪糕,D雪糕好X硬、硬X過石頭,見到個職員出盡力都畢唔到,但仲有成排人係度等,睇見佢到好X攰。2鎊有3大cones,還有朱古力拖肥條及朱古力醬淋面,抵到爛!
到Cantebury火車站,剛好miss一班回倫敦的火車,要等6:50分。8時36分準時抵Charing X,之後到旺記食晚飯,星洲炒米、叉燒火腩及肉絲炒面,份量十足、每人盛惠4鎊,可惜埋單時,個侍應好衰,唔肯收我張爛容容的5鎊!真要想辦法用掉那五鎊了。
咁又玩完一天囉。

2007年9月27日星期四

倫敦八.選科

終於有一天,可以無所事事,睡到12時半。睡前send了個email給Modern Trend in Islam(我major科)的老師,問問:「我有沒有可能跟得上?」一起床收到回覆,答案是:「不是沒有可能,但我假設你有讀一些背景資料。」然後她給我的書單,所有書我全部未讀過!所以周五六日,都會留在圖書館刨書。下星期一定要上所有課堂,中東、中亞、以色列全部要聽勻,以備一旦要改Major,也知道有甚麼科可以選、應付得來,然後add-drop。

晚上與隔離座的港女S小姐食飯,終於可以試試宿舍的廚房,S小姐與我一樣取資助來英國讀書,讀的科與我差不多僻,她在UCL讀文物修復。兩座宿間隔大同小異,但竟然她的宿費與我的比較,每月要多付20鎊、上網又要付錢!英國就是如此X街,差不多的東西,收費可以差天共地,她的宿的premium肯定是rent seeking。鬼叫大學宿舍又是獨市生意。

PS:PK君講開花街朱古力(還有一盒在香港雪櫃,原本打算送給已離開生果,一樣熱愛花街的郁哥,但最後太忙,夾不到時間取貨)今天發現平貨!原來英國朱古力特價都會很便宜,Tesco超市,2鎊(32元)有20條Snickers,香港買20條最平也要56元!怪不得去英國長住是會肥,雪糕和朱古力便宜。

2007年9月26日星期三

倫敦七.終於要投降

吹氣床引來如此多遐想,怪哉怪哉。

張吹氣雙人床是寄居屋主友好Patrick的,專方便香港朋友上他家屈蛇用,張床連氣泵都要3、40鎊,但都幾舒服。Patrick明年一月很大可能調回香港工作,張床由我接收了,明年友好屈蛇,就有吹氣床訓了。

倫敦一程地鐵,最低消費是港紙20蚊,由zone1去zone2,是藍田到旺角的距離,已要收32蚊,一日交通費閒閒地也要5、60元(每日九時半後入閘後,交通費上限是78元),去不同店鋪買很普通的日用品,若不格價,分別可以相差幾蚊至十幾廿蚊港紙不等。今日原本中午去接我大佬,因為呢條cheap精想慳程地鐵,行左三個地鐵站,搞到我大佬係火車站等左25分鐘、好X谷氣。

但事後孔明,其實呢程根本無必要慳,因為今日完來有人call約食飯,又要整多兩程,最後也要坐78元,千計萬計、日日練毅行者,但最終其實可以係乜都無慳到。而且往往為左慳返兩蚊,又會做好多更唔理性的決定,例如:今日約了人食飯,但坐車去到才發現,人家搞富貴餐,去倫敦的City Super級的貴價超市掃貨,而且開得飯來也要九點!

加上剛剛才交左兩皮幾宿費,每月資助仍有排未到手,若下月要找卡數仍未有資助就大煲,由香港電匯錢又蝕手續費,反正前日先訓得三粒鐘,不如返宿舍自己煮、上網及早抖好過,結果竟然臨時係鬆人返宿,連中秋節都唔慶祝。搭左兩程車唔知做乜,一場去到又唔食,諗返都幾白痴。

日日左計右計,真係要用好多精力。所以,連我呢條Cheap精,今日終於要投降!真係要承認,我而家係住在倫敦,不是住在香港。

今日正式註冊了。下周要揀科,好多好有趣的科,例如:伊朗電影、中東電影與社會、中亞政治、以色列巴勒斯坦及阿拉伯世界、埃及敍利亞建築、土耳其帝國及巴爾幹半島、法國殖民北非史...科科都好好聽,但要揀實在揀唔落手,因為驚讀唔掂,所以最好還是先問清楚教授,我乜X都唔識,會唔會肥佬?我科Major是Modern Trend in Islam,我都好想改返以色列巴勒斯坦,至少聽落去容易些。

明天無戰事,可以大休、做雜務、及煮食了。現在天天上網,就好像將香港搬來倫敦一樣,但不上網,又無辦法與倫敦的人聯絡!

2007年9月25日星期二

倫敦六.開學

話咁快,又到九月底,要註冊入學了,這裡有不少外國學生,日本、韓國、意大利人極多,但港燦甚少,目前只撞到一名港女,修讀International Management。上周日的Reception後,與數名成年學生一同飲酒,其中修讀阿拉伯文的波蘭女人談到,國藉與身份認同問題,因為她父親是約旦人、到波蘭工作,母親是波蘭人,她雖然在波蘭長大,但覺得約旦才是她的根,很埋怨她父親從來教她講阿拉伯文!(因為在波蘭,阿拉伯文根本無用)

然後你一言、我一語插咀討論,自問英文麻麻,要討論如此複雜的問題,的確有些少難度。未來一年,恐怕有更多更複雜的問題,都真係好驚驚!!!


終於要入宿,告別友人Patrick於Canary Wharf的豪宅、以及Patrick的廚藝,宿舍房與豪宅當然無法比,但總算有獨立廁所,五人分一個廚房、兩個焗爐、微波爐及四個雪櫃,設施算相當齊全,還有金時山檔布及富士山Postcard。明年一月就可能有多張吹氣床,各位可能會到倫敦的友好,若要屈蛇、房間淺窄、望請原諒。

終於有地址,有地址就好了,可以有資格報馬拉松了!倫敦已寄了報名表,中簽率是20%、巴黎馬拉松還有2萬多個位,已經上網報名了(醫生證明後補),4月2日!!!未來還有里斯本、維也納、米蘭...以及英國境內各項比賽。未來一年不知會讀多少書,但肯定有大把比賽!
另外,半島電視台有望翻生,轉移陣地出版!有消息會再通知通知。

2007年9月20日星期四

倫敦四,世界真細小

趁未開學的日子,晚上不時會約些香港友好出街食飯(所以又是大出血),加上大學同學Y專程來英國看本周日的曼聯主場迎戰車仔,兼速遞老婆餅及蛋卷,更要幫同學Y找些特別活動搞搞,例如幫另一要歸港的同學R搬行李到火車站回香港、去Canary Wharf的Banker吧,正常時間看士砵亭對曼聯的歐聯,今晚則是入宿前最後晚餐,約其他香港讀書友好、異地慶祝中秋。

英國特別多消費陷阱,同一件貨品、門票,不同地方的價格可以差天共地:電話plan可以分別極大、大超級市場一定比士多小店便宜得多、同一間超級市場連鎖店,同一件貨在不同區域的分店,價錢有分別、交通一定要提早book(但所有英國本土火車都不能在香港book,因為英國要保障本地人)...一定要小心格價、精打細算,才不致於蝕水。

倫敦周街也是香港人,經常聽到路人甲乙丙說廣東話,頻率僅次東京曼谷。仍在英國的同學J說,中國人在外地很喜歡自己埋自己堆,不接觸其他社群,但他們群在一起,不代表中國人團結;但中國人群中國人,有時也未必完全等於中國人封閉,始終你不在英國長大、若你又不喜歡飲酒,的確難以與英國佬一齊飲酒,討論他們的話題。

除了同學Y,前兩天在River Thames散步,竟然又撞到另一朋友L,原來又是來倫敦放棄!見到佢,第一反應當然是:「原來你來倫敦!早知找你幫我帶野來啦!!!」所以若有任何人到倫敦,請隨時通知,幫我帶多八蚊麥香雞來倫敦,收獲就是有宿住!

方公,無法返港加入毅行者,你們明年來英國,一起參加英國毅行者還可以。最近已開始留意歐洲馬拉松賽事,發現錯失了倫敦1萬個名額的online報名位,只可以寄表抽籤(中籤率是兩成)或助慈善團體籌款。至於歐洲其他賽事,除了報名費貴外,原來全部都要醫生證明才有資格參與,較亞洲馬拉松麻煩得多,因為歐洲有相關法規!所以入宿後一定要盡快找醫生寫醫生紙!

PS:威。你朋友無得頂啦!又教識我炒些簡單小菜、及講解歐美金融行情,好彩提早兩周來投靠佢!莊小姐聯絡了啦,但可惜我同佢唔熟,都唔可以順便痴佢餐囉。

2007年9月16日星期日

倫敦三.相

Photo 1: The sunrise view from my temporary home now, in Canary Wharf
Photo 2: Elvin Marble of Patheon in British Museum
Photo 3: Rosetta Stone which is the key to solve the mystery of ancient Egypt language
Photo4: Outlook of Buckingham Palace
Photo5: St James Part
Photo6: Billingsgate fish market, of course Tokyo築地 is more wonderful!

2007年9月14日星期五

倫敦二.海外Freelance

倫敦百物昂貴,打個電話要要幾蚊,地線打手機也是一樣,一程地鐵至少也要30蚊,若有餘力做兼職搵多餐,食都可以食好一點,至少可以餐餐Hagen Daz雪糕送飯。幸好友好Y,私人醒個免費上網方法,這幾天都可以省回不少錢。

前兩天跟當地華文報採主聯絡,看看有甚麼freelance?採主說,最近每星期都有專訪,講講傑出英國華人,若找到一些特別行業(金融業太多)有傑出華人,都可以讓做喎。(應該搵下鄉議局,好似好多新界人在英國。各位友好,有就通知聲啦,睇下做唔做得到?)


另一樣,就是要等英國發生大事,又或自己找些故仔去sell,但去年一整年都沒有大事發生,未來只能守枺待兔。找故仔,恐怕又落得雪藏Al Jazeera的下場(舊僱主至今仍音訊全無,也沒有回覆,亦不知何時會出,令版主難以向受訪者交待),吃力不討好,你覺得有興趣、有新聞價值的東西,但人地又唔係咁諗。順帶一提,老細,你未必睇到,但希望你快覆我啦!

雖然在倫敦只是數天,但感覺已像很久,與英國佬溝通都幾好笑,買電話卡問詳請,個職員有時問非所答,怕且不懂得聽香港英文,哈哈!去麥記,問佢取紙巾,明明講Tissue,但佢比左茄汁我!(係咪英國麥記無紙巾派,佢當我係取茄汁?)

除了昂貴,英國罷工尤其多,前兩晚去National Gallary看畫,因為周三九時關門,但有一半畫室都關閉,因為部份職員罷工,地鐵也是一樣,地鐵司機人工是4萬鎊一年(即是近五皮一個月,但要交3成稅,香港平均交1成左右)都要罷工,你話有無搞錯?英國香港朋友Patrick話,英國pension支付越來越大,若英國不想破產,肯定又要大幅加稅,要扣pension,英國佬分分鐘暴動!

戶口、向警方註冊已經搞掂,這兩星期的餘下時間也是市內觀光、盡快熟習街道、物價、看看書及休息一下,始終過去沒有到過英國。還有一星期時間,應有足夠時間行熟倫敦了。

London1. Make me miss Yemen a lot!!!

I can only access internet in internet centre now, 1 pound for an hour. Everything is smooth for me, the environment is good, jogging along River Thames is great, but the living cost here is too too expensive, the only way to live here is cooking every meal! It really makes me miss Yemen a lot!!!

The cost of McDonald meal: 3.69£ (58HK$)
500ml Coke: 1.4£ for 2 (11.8HK$)
One sandwich: 2£ (32$)
Cheapest Chinese Dish Head Rice in China Town: 3.6£(58HK$)
Paste in restaurant: at least 5£(80HK$)

However, something here is dirt cheap, it is the Hagen Daz Ice Cream!!! I can buy 2 large bos with 4 £to 5£(around 32HK$ to 40HK$ each). In HK, the cheapest price I found was 90HK$ for 2. So, I can eat Hagen Daz Ice Cream everyday and feel very well!

2007年9月8日星期六

執拾

終於執拾好行李,完成這個複雜而又擔心(遺留重要東西)的過程。倫敦百物騰貴,可以帶的東西也盡量帶。最多謝還是Y小姐臨門一腳提點,要帶衣架、衣夾、琵琶膏、夏桑菊、畢業證書、要行傷殘人士通道才有電梯...以及04毅行隊友C小姐提點,要塞米粉,唔好塞公仔面,因為米粉唔會碎。

除了以上的東西,還有這些:
衣服
鞋(涼鞋、拖鞋、行山鞋、跑鞋、一般波鞋)
電腦(仲有DVD R碟、電視咭、天線、lan線、memory stick、memory card、card reader、MP3機)
藥物(琵琶膏、夏桑菊)
單車鎖
拖板
幾本書
三個背囊(一個係水袋)
行山杖
護膝
電水壼
剷頭髮的電剷
重要證件及學校書信
清潔用品

仲有日本「金時山」塊檔布、及托探員買的富士山postcard。

剩餘的2KG,則塞了米粉、午餐肉、鼓油、五香肉丁同豆豉鯪魚。咁就塞夠30KG。

希望沒有遺留?

Now I am in airport, at last my luggage weight 32.6KG, slightly over 30 but no need to take them out. I bought a box of double eggs Mooncake in Maxim as a gift for my host, Patrick in London before I entered Hong Kong custom counter.

This is my eight visits of Hong Kong Airport in recent 4 months!!! So no exciting, only feel tired! I hope the staff of London tube is not on strike tomorrow, weahter is good and I can arrive Patrick's home smoothly.

Goodnight and good luck.

2007年9月6日星期四

做乜好?

最近被人問得最多的三條問題是:「執完野未?」「幾時開學?」「讀完做乜?」

執完野未?一諗起這個巨型工程,真是郁都唔想郁。幾時開學?原來10月一日才開學,但九月最後一星期是orientation week。所以也有一段時間休息及去銀行、警局及購物等雜務庶務。

讀完做乜?這真是難題了!(當然假設是成功順利畢業)

我真是不懂得答。若要數將來做也可以憑空想像一些:若要賺錢,或可以回香港試試銀行財經,幫銀行專攻伊斯蘭財務;又或可以找些在中東有生意的公司、貿發局之類;再不然就去杜拜、卡塔爾等高速發展的波斯灣地區,聽說找工作不算太困難。

重操政治故業沒有問題,但這肯定不是我最適合做的。論興趣及思考精密,我遠遠不及探員;論八卦,實在太多行家比我在行,因為我對太多濕碎事情沒有興趣;論交際手腕,這也不是我專長。但自問又沒有能力靠寫作維生,這個世界太多人文章比我寫得好、知的東西比我多。

去中東做新聞,目前仍是極遙遠的目標,比恒指上五萬點還要難(畢到業先有得講),也只有學好阿拉伯文才可以做得好,才可以找些自己的東西回來,但學好就要花大量時間、犧牲工作賺錢,專注至少一年時間苦讀。但即使學得很好,也不保證有收入,因為要懂得做好故仔,一定要先累積經驗(由簡單的半島電視台開始),而且香港實在沒有市場。只有我去到不必計較每月是否有收入的階段,例如恒指每年平均升五千點,才可以豁出去做,要不然,暫時還要先繼續工作儲蓄。

所以,未到最後一刻,也答不到這個問題。


說到這裡,或者這個問題也不用答。可能生命就像奇斯洛夫斯基的Blind Chance(盲打誤撞),無論你趕不趕得上火車,到最後也會在華沙機場出現(當然上不上得到那班死亡飛機,又可以分別很大了),做人總有點是宿命,命運冥冥中已註定。


或者人生只是一本早已寫好結局的著作,只是我們目前仍不知道,只能一頁一頁地翻、直至看到結局那一天。自由意志可以決定的,只是如何看這本書?是否中途休息一下,先飲個茶、食個飯、去個旅行,然後再回來繼續看,雖然有時會不少心把茶倒在書上,令書中某些字跡看不見了、變了另一個字;又或者被你找到幾個錯字,可以用筆改改,但大體上結局也是一樣,不會因你看得慢一點而換了另一個結局。

無題

還有三天就離開。這個星期差不多每一餐,都是與各路友好食飯,最多上限是10人,少則2、3人,所以都好好好傾,因為一多於10人就很難找HCF的話題了(所以也搞到幫手約人的友好麻煩,因為我拆散晒,真係唔好意思!)。記得有工作時,放假也甚少與朋友食飯(若不計宵夜),只是自己做自己事,這星期與朋友食飯的次數,肯定多於過去12個月,真是多謝各路友好,讓版主可以有多餐免費飯。

香港是矛盾的地方。你問我香港好不好?我肯定會答:「香港好衰。」這個城市生活模式單元,除了行街購物食飯唱K電影、也沒有其他選擇、即使到郊外也只有全鋪石屎、行到腳痛的山徑。香港人的價值觀功利,生活的軸心只是工作、賺錢及賺更多的錢,也不太關心香港以外發生甚麼事。號稱所謂國際都會的香港,有意願到外國去闖、去工作的人也極少,旅行來來去去也只是那些熱門的package tour,吃喝玩樂麻醉一番後,又再次回到工作崗位。

香港人太多、太嘈吵、廣東話太難聽,地鐵與也門Sanaa的清真寺一樣難頂。地鐵是當每個香港人都是白痴,要把喇叭扭到最大聲,不斷用英語粵語及國語重複重複「請勿在電梯上走動!」直至震爆地鐵幕門方罷休。當巴士的Roadshow已陸續收聲,地鐵反而變本加厲,全世界的地鐵,只有香港如此荒謬!(所以唔X屎忽、呃地鐵多些車費,真係對唔住自己!)東京的地鐵密密麻麻的寧靜實在令人懷念。

若有讀者是地鐵股東,可否下次在股東會代為反映?

香港樓價貴,更加不在話下,香港所謂低稅率只是假像。羊毛出自羊身上,高地價政策,結果只是讓市民把交給政府的稅,轉交給地產商。在外國交重稅,至少退休後有pension、有政府養,年輕時盡情玩也無所謂;香港交重稅,換來只有一層負資產、及已經不會再升值的樓,退休的生活費還是要自己張羅。

香港的報紙無聊,也沒有好東西看,就連也門的英文報紙,也比香港的報紙好看化算。香港報紙其實沒有選擇,每份報紙內容大致相同,只是排版不一樣,ABC餐都是洋葱豬扒飯,不同的只是搭奶茶檸茶或咖啡,不如回家煮飯、甚至慳錢不吃好過。若報紙刪掉日期,看今天、明天及上個月的報紙,內容根本沒有分別,每天也是死人冧樓、甘乃威何秀蘭還是陳太?遠方Sudan的Darfur、中東世界的衝突、即使波斯灣地區未來數以百億計的商機,報紙也不太關心。

所以去十次旅行,九次你根本不想回香港,一上機聽到廣東話、看到香港報紙,就要返回現實的惡夢。

香港唯一好,就是比也門好住、買東西便宜、以及你的朋友都在香港。在也門,每朝四時也要被清真寺的喃嘸緊箍咒吵醒,到最後一個星期時的確很想回香港睡覺!

無奈,做香港人是沒有選擇的,我說的英文,是香港人的英文,不是Native Speaker的英文,我覺得廣東話好容易學。很多人都問,未來有乜打算?我大多是答:我不會留在外國工作,應該也要回香港工作了。學阿拉伯文的同學Julie是記者,希望學好後加入半島電視台,她問我有無興趣?又或者外國做新聞?我好肯定告訴她:想也不會想,因為我根本不可能做英語媒體,我只可以為華文媒體工作。

倫敦是煙花之地、紙醉金迷、多姿多采的大千世界,英國佬說:若你厭倦倫敦、你已經放棄了人生,去過倫敦的人,只會讚倫敦又多好(物價例外)。我應該也會喜歡倫敦,但我估計我不會想一生住在倫敦,始終我只是過客,我還是要食8蚊一個麥香雞、2蚊一個公仔麵、日日孖叉唐唐的X街家族生意美維!我不要5、6鎊的難食星洲炒米!

2007年9月3日星期一

還是黃亞細最好

六年以來生產過一大堆沒有保留價值、沒有時效的稿件,要選滿意的佳作,十隻手指數得晒。最滿意的採訪,肯定唔係23條、7.1、半島電視台、人大政協,而是新加坡的黃亞細肉骨茶老闆訪問。黃亞細有骨氣,請煲呔食檸檬,呢種見大人物必渺之的態度,真係肅然起敬!!!香港人太聰明、太醒目、太駿傑,呢方面真係唔及坡仔。

其他報館的行家早已返港,只有我仍留在星洲做自己故仔,既然不趕時間,就與黃亞細聊了整個中午。最難忘還是,臨走前問細伯,可否買一件寫上「黃亞細肉骨茶」的T恤?細伯即刻叫個侍仔帶我上閣樓,打開衣櫃後,侍仔告訴我:「老世話你隨便拿,幾多都無問題!」結果我好貪心,取了六件,取多的五件是給其他報紙電視行家。

據記憶,目前香港僅有的六件珍藏版黃亞細T恤,分別在版主、生果報的W小姐、公信報的E小姐、方向報的E小姐、三色台的H小姐、收費台的M小姐的衣櫃內。馬拉松之花,記住去食黃亞細肉骨茶,順便幫我向細伯問好。

沖 壺 普 洱 : 黃 亞 細 係 我

我 真 係 估 唔 到 , 香 港 特 首 曾 蔭 權 來 唔 到 呢 度 食 肉 骨 茶 , 竟 然 搞 出 咁 多 新 聞 。 噚 日 仲 有 個 香 港 官 員 ( 香 港 駐 新 加 坡 經 貿 辦 事 處 處 長 林 錦 光 ) 搵 我 飲 茶 , 話 我 知 曾 特 首 冇 嬲 到 , 希 望 我 唔 好 誤 會 ! 呢 件 事 之 後 , 日 日 都 有 記 者 搵 我 , 生 意 更 加 多 都 做 唔 切 , 所 以 好 難 同 你 再 傾 多 兩 句 !

多 成 點 ? 我 以 前 每 日 訂 一 百 斤 排 骨 , 但 呢 兩 日 我 訂 一 百 幾 廿 斤 都 未 夠 , 下 晝 一 點 幾 已 經 賣 晒 , 你 都 見 啦 , 生 意 咁 好 真 係 意 外 收 穫 ! 曾 特 首 下 次 , 記 住 一 點 前 到 , 如 果 唔 係 就 食 唔 到 !

搞 到 曾 特 首 咁 掃 興 , 其 實 我 都 要 講 聲 對 唔 住 , 我 都 好 想 招 待 特 首 , 難 得 佢 係 香 港 貴 賓 , 我 個 仔 都 在 香 港 做 事 , 佢 上 星 期 六 返 來 同 我 食 飯 , 跟 住 我 就 去 馬 來 亞 , 返 到 先 知 發 生 乜 事 。 但 就 算 我 度 睇 舖 , 都 好 難 特 別 招 呼 曾 特 首 , 夥 計 個 個 凌 晨 四 點 幾 開 工 , 我 真 係 唔 忍 心 叫 佢 做 埋 夜 晚 。 我 已 經 寫 信 畀 曾 特 首 道 歉 , 希 望 佢 唔 好 介 意 。

… … … … … … … … … … … …

香 港 同 我 都 幾 有 關 係 , 唔 止 你 一 個 , 之 前 都 有 人 「 嬲 」 我 去 香 港 開 分 店 , 但 我 冇 去 。 點 解 ? 我 新 加 坡 都 做 唔 切 , 又 邊 有 力 去 香 港 開 分 店 ? 不 過 我 都 幾 鍾 意 香 港 , 我 個 仔 香 港 中 銀 返 工 , 我 每 年 都 會 去 一 次 。 香 港 最 好 食 係 燒 鵝 , 我 肉 骨 茶 又 邊 度 比 得 上 ? 以 前 我 每 次 去 香 港 , 都 會 去 鏞 記 買 燒 鵝 帶 返 新 加 坡 , 但 後 來 新 加 坡 機 場 唔 畀 帶 。 雖 然 咁 好 食 , 但 價 錢 就 好 貴 , 如 果 我 冇 記 錯 , 外 賣 都 要 成 360 港 紙 一 隻 !

我 係 粗 人 , 讀 到 五 年 班 就 冇 書 讀 , 好 多 都 唔 識 , 廣 東 話 都 可 以 講 , 但 講 潮 州 話 就 最 好 。 我 23 歲 結 婚 , 今 年 71 歲 , 結 婚 48 年 , 老 婆 同 我 朝 朝 一 齊 開 工 。 佢 唔 識 煮 肉 骨 茶 唔 緊 要 , 最 緊 要 係 佢 識 得 幫 我 計 數 同 收 錢 ! 唔 經 唔 覺 做 四 十 幾 年 , 到 家 仲 日 日 落 舖 , 幫 手 裝 飯 、 煲 湯 、 招 呼 客 人 。 我 以 前 想 60 歲 退 休 , 但 到 日 見 身 體 仲 幾 好 , 又 繼 續 做 落 去 , 我 現 在 都 唔 諗 退 休 , 到 真 係 做 唔 到 時 先 算 啦 !

… … … … … … … … … … … …

你 睇 到 我 舖 頭 有 我 同 馬 英 九 合 照 , 佢 今 年 五 月 來 過 , 日 朝 早 七 點 鐘 就 。 唔 止 台 灣 人 , 香 港 人 都 好 鍾 意 , 特 別 係 呢 兩 日 , 我 舖 頭 聽 多 好 多 廣 東 話 。 好 多 人 「 嬲 」 我 開 多 間 , 但 我 都 冇 答 應 , 因 為 真 係 唔 夠 人 手 。 就 算 請 人 教 佢 煮 , 睇 怕 學 識 就 會 自 立 門 戶 , 唔 會 幫 你 打 工 。 當 然 我 14 個 夥 計 個 個 都 好 好 , 佢 為 間 舖 , 一 年 連 續 11 個 月 日 日 開 工 , 淨 係 年 初 四 前 一 個 月 放 大 假 , 等 佢 有 時 間 辦 年 貨 。

我 每 年 都 會 同 佢 一 齊 去 旅 行 , 機 票 、 酒 店 、 三 餐 全 部 我 包 , 去 香 港 、 去 澳 洲 、 去 泰 國 、 去 日 本 , 答 謝 佢 咁 勤 力 ! 咁 多 年 我 都 冇 將 肉 骨 茶 煮 法 教 人 , 我 又 唔 太 介 意 會 失 傳 , 反 正 我 肉 骨 茶 其 實 好 普 通 。 係 喎 , 你 話 香 港 就 快 會 抽 銷 售 稅 , 我 都 成 日 去 香 港 食 , 我 梗 係 唔 贊 成 啦 !