人和更勝天時．新加坡馬拉松．刊於《茶杯》九月號

（寫新加坡，又點少得介紹「黃亞細肉骨茶」？順便又可以趣事重提，06年暑假煲呔曾訪星洲，肉骨茶名店當時拒絕新加坡政府要求，為煲呔曾晚上營業，搞到煲呔臨時要轉食第二檔！）

新加坡與香港，常常以對方做假想敵，無論是跟內地做生意貿易、還是辦馬拉松，香港在天時、地利都永遠贏新加坡。較北的香港二月天還算冬天，氣溫最熱也是廿二、三度，跑馬拉松還未算太熱；但新加坡的赤道熱帶氣候，足以令大部份外國跑手卻步，不敢到新加坡跑馬拉松了。

兩地的馬拉松都是渣打贊助，可惜最重要的人和，新加坡肯定壓倒香港。新加坡到○二年才辦馬拉松，歷史雖然不及香港悠久，但論比賽氣氛、人情味、賽事安排細節、當地市民對賽事的支持，新加坡馬拉松都較香港馬拉松優勝。除日本外，亞洲最懂得辦馬拉松的地方，很可能是新加坡。

在香港，馬拉松賽道都在遍遠的街道，最有港式味道的街道，不會讓你跑；擔心超過大會時限、被趕上車而無法完成賽事，更是不少跑手每年的夢魘。但在新加坡，政府願意把市中心的繁華的金融區街道給跑手，最新景點、號稱全世界最高的摩天輪Singapore Flyer也在路途上。

星洲馬拉松的賽事時限更超過八小時，大會這一句口號：「無論你甚麼時候跑到終點，我們都會等你」，既窩心又體貼，讓企鵝級跑手也可以享受完成馬拉松的滿足。

華人社會一般較含蓄，不像西方人一樣「瞓身」打氣。為了鼓勵多些人上街打氣、鼓勵跑手悉心打扮，增加比賽的歡樂氣氛，新加坡賽會會設不同獎項，獎勵最佳的啦啦隊、最搶眼的奇裝異服跑手，獎金由幾千元到幾萬元不等，鼓勵樂隊、學校、團體到賽道沿途的不同地點，用各種方式為跑手加油，

香港呢？大部份賽道都在遍遠的高速公路，除了跑手和職員義工外，市民是不可能前往觀戰打氣。跑到市中心，不少市民只埋怨馬拉松阻街，更不會為差點到終點的跑手拍掌。

與香港一樣，新加坡馬拉松同日也設十公里和半馬，但賽事流程與香港相反。新加坡先讓全馬跑手早一點出發，較容易的十公里最後跑，好讓全馬跑手不用頂著烈日跑。完成全程馬拉松跑手，還有多一件紀念T恤，讓全馬跑手與半馬和十公里跑手區分，有多一分榮譽。

在香港，全馬跑手安排至最後才出發，若那年的冬天不太冷，捱到中午仍在路上的跑手便會很幸苦，參加全馬跑手也不會得到額外獎勵了。

若你想參加海外馬拉松賽事，不介意炎熱的天氣，但沒有放長假的奢侈，不妨考慮參加十二月的新加坡馬拉松。跑後翌日，你還可以到三年前拒絕特首曾蔭權晚上光顧的肉骨茶名店──「黃亞細肉骨茶」吃個Brunch，補充一下腳骨力。

日期：十二月上旬的周日
時限：超過八小時
賣點：新加坡金融區、海岸公園、到二十多公里後有Power Gel供應、全馬完成者有多一件T恤
名額：全馬、半馬和十公里的名額約四萬
網頁：http://www.singaporemarathon.com/

還是黃亞細最好

六年以來生產過一大堆沒有保留價值、沒有時效的稿件，要選滿意的佳作，十隻手指數得晒。最滿意的採訪，肯定唔係23條、7.1、半島電視台、人大政協，而是新加坡的黃亞細肉骨茶老闆訪問。黃亞細有骨氣，請煲呔食檸檬，呢種見大人物必渺之的態度，真係肅然起敬！！！香港人太聰明、太醒目、太駿傑，呢方面真係唔及坡仔。

其他報館的行家早已返港，只有我仍留在星洲做自己故仔，既然不趕時間，就與黃亞細聊了整個中午。最難忘還是，臨走前問細伯，可否買一件寫上「黃亞細肉骨茶」的T恤？細伯即刻叫個侍仔帶我上閣樓，打開衣櫃後，侍仔告訴我：「老世話你隨便拿，幾多都無問題！」結果我好貪心，取了六件，取多的五件是給其他報紙電視行家。

據記憶，目前香港僅有的六件珍藏版黃亞細T恤，分別在版主、生果報的W小姐、公信報的E小姐、方向報的E小姐、三色台的H小姐、收費台的M小姐的衣櫃內。馬拉松之花，記住去食黃亞細肉骨茶，順便幫我向細伯問好。

沖 壺 普 洱 ： 黃 亞 細 係 我

我 真 係 估 唔 到 ， 香 港 特 首 曾 蔭 權 來 唔 到 呢 度 食 肉 骨 茶 ， 竟 然 搞 出 咁 多 新 聞 。 噚 日 仲 有 個 香 港 官 員 （ 香 港 駐 新 加 坡 經 貿 辦 事 處 處 長 林 錦 光 ） 搵 我 飲 茶 ， 話 我 知 曾 特 首 冇 嬲 到 ， 希 望 我 唔 好 誤 會 ！ 呢 件 事 之 後 ， 日 日 都 有 記 者 搵 我 ， 生 意 更 加 多 都 做 唔 切 ， 所 以 好 難 同 你 再 傾 多 兩 句 ！

多 成 點 ？ 我 以 前 每 日 訂 一 百 斤 排 骨 ， 但 呢 兩 日 我 訂 一 百 幾 廿 斤 都 未 夠 ， 下 晝 一 點 幾 已 經 賣 晒 ， 你 都 見 啦 ， 生 意 咁 好 真 係 意 外 收 穫 ！ 曾 特 首 下 次 ， 記 住 一 點 前 到 ， 如 果 唔 係 就 食 唔 到 ！

搞 到 曾 特 首 咁 掃 興 ， 其 實 我 都 要 講 聲 對 唔 住 ， 我 都 好 想 招 待 特 首 ， 難 得 佢 係 香 港 貴 賓 ， 我 個 仔 都 在 香 港 做 事 ， 佢 上 星 期 六 返 來 同 我 食 飯 ， 跟 住 我 就 去 馬 來 亞 ， 返 到 先 知 發 生 乜 事 。 但 就 算 我 度 睇 舖 ， 都 好 難 特 別 招 呼 曾 特 首 ， 夥 計 個 個 凌 晨 四 點 幾 開 工 ， 我 真 係 唔 忍 心 叫 佢 做 埋 夜 晚 。 我 已 經 寫 信 畀 曾 特 首 道 歉 ， 希 望 佢 唔 好 介 意 。

… … … … … … … … … … … …

香 港 同 我 都 幾 有 關 係 ， 唔 止 你 一 個 ， 之 前 都 有 人 「 嬲 」 我 去 香 港 開 分 店 ， 但 我 冇 去 。 點 解 ？ 我 新 加 坡 都 做 唔 切 ， 又 邊 有 力 去 香 港 開 分 店 ？ 不 過 我 都 幾 鍾 意 香 港 ， 我 個 仔 香 港 中 銀 返 工 ， 我 每 年 都 會 去 一 次 。 香 港 最 好 食 係 燒 鵝 ， 我 肉 骨 茶 又 邊 度 比 得 上 ？ 以 前 我 每 次 去 香 港 ， 都 會 去 鏞 記 買 燒 鵝 帶 返 新 加 坡 ， 但 後 來 新 加 坡 機 場 唔 畀 帶 。 雖 然 咁 好 食 ， 但 價 錢 就 好 貴 ， 如 果 我 冇 記 錯 ， 外 賣 都 要 成 360 港 紙 一 隻 ！

我 係 粗 人 ， 讀 到 五 年 班 就 冇 書 讀 ， 好 多 都 唔 識 ， 廣 東 話 都 可 以 講 ， 但 講 潮 州 話 就 最 好 。 我 23 歲 結 婚 ， 今 年 71 歲 ， 結 婚 48 年 ， 老 婆 同 我 朝 朝 一 齊 開 工 。 佢 唔 識 煮 肉 骨 茶 唔 緊 要 ， 最 緊 要 係 佢 識 得 幫 我 計 數 同 收 錢 ！ 唔 經 唔 覺 做 四 十 幾 年 ， 到 家 仲 日 日 落 舖 ， 幫 手 裝 飯 、 煲 湯 、 招 呼 客 人 。 我 以 前 想 60 歲 退 休 ， 但 到 日 見 身 體 仲 幾 好 ， 又 繼 續 做 落 去 ， 我 現 在 都 唔 諗 退 休 ， 到 真 係 做 唔 到 時 先 算 啦 ！

… … … … … … … … … … … …

你 睇 到 我 舖 頭 有 我 同 馬 英 九 合 照 ， 佢 今 年 五 月 來 過 ， 日 朝 早 七 點 鐘 就 。 唔 止 台 灣 人 ， 香 港 人 都 好 鍾 意 ， 特 別 係 呢 兩 日 ， 我 舖 頭 聽 多 好 多 廣 東 話 。 好 多 人 「 嬲 」 我 開 多 間 ， 但 我 都 冇 答 應 ， 因 為 真 係 唔 夠 人 手 。 就 算 請 人 教 佢 煮 ， 睇 怕 學 識 就 會 自 立 門 戶 ， 唔 會 幫 你 打 工 。 當 然 我 14 個 夥 計 個 個 都 好 好 ， 佢 為 間 舖 ， 一 年 連 續 11 個 月 日 日 開 工 ， 淨 係 年 初 四 前 一 個 月 放 大 假 ， 等 佢 有 時 間 辦 年 貨 。

我 每 年 都 會 同 佢 一 齊 去 旅 行 ， 機 票 、 酒 店 、 三 餐 全 部 我 包 ， 去 香 港 、 去 澳 洲 、 去 泰 國 、 去 日 本 ， 答 謝 佢 咁 勤 力 ！ 咁 多 年 我 都 冇 將 肉 骨 茶 煮 法 教 人 ， 我 又 唔 太 介 意 會 失 傳 ， 反 正 我 肉 骨 茶 其 實 好 普 通 。 係 喎 ， 你 話 香 港 就 快 會 抽 銷 售 稅 ， 我 都 成 日 去 香 港 食 ， 我 梗 係 唔 贊 成 啦 ！