(若大家喜歡我鏡頭下的馬拉松風景,不妨Click樂施會的標誌,資助他們的扶貧工作)

2011年12月4日星期日

大阪馬拉松五.名人及搞鬼跑手

巴魯坦星人,真係無得頂!不過無超人,亦無人打怪獸。咁樣跑一D唔容易,好堅的跑手才敢做,希望有朝一日,我都有能力扮巴魯坦星人兼完成全馬。

日本「走之男」森脇健兒。森脇先生是名人跑手,日本甚多粉絲,聞名作是曾經由北海道跑到沖繩,過程拍成電視節目!

三十二公里,碰到日本鬼怪,拿住把菜刀斬人,好恐怖!

這女士堅爆,全程赤腳走,這些柏油路面好銀腳,慘過踩卵石徑,佢仲笑得咁開心,好勁。

Punk頭跑手,聽美國朋友說,東京馬都碰過他。日本人跑東京和大阪都要抽籤,機會少過1/5,佢連中兩次籤都真係好彩。

著木屐跑,痛苦程度應該同赤腳有得比!

大阪十月底仍很暖,18-22度,這樣跑應該會熱死,但他與我差不多時間衝線。

這位大叔若不是訓練有素,應該一係熱死,一係要中途除衫跑。

兩人帶埋音響,播放孖寶兄弟的音樂。每播到食星星那一段,人都跑快些!(若想看更多大阪馬拉松,請留意12月《Sport Soho》)

3 則留言:

匿名 說...

我都有同COSPLAY女映相, 仲有, 你映那個著木屐唔係全程著的, 中間換跑鞋, 但我映到過是全程, 至少中間同終點都係著木屐...仲快過我過終點...5小時內呀

KIN

Chong 說...

係呀,呢位「金」先生係孭了對白飯魚在背後,我在差唔多終點見到佢,佢應該同我差唔多,我係五小時廿六。

二月會否去東京馬?

匿名 說...

二月去唔到啦, 但三月會去京都囉...也妙想天開一星期後去埋首爾!