(若大家喜歡我鏡頭下的馬拉松風景,不妨Click樂施會的標誌,資助他們的扶貧工作)

2011年11月22日星期二

大阪馬拉松四.大會支援設施

厠所大不同,又一款新厠。發掘不同設計的厠所,是周遊列國跑步的一大樂趣!

載行李的車,每輛又再細分幾行,確保不會出錯。

雖然外藉跑手不多,但都設翻譯服務,實在太過周到。大會的指示版相當清楚,其實也應可以省回這一筆不必要的開支。

令我想起巴黎馬拉松食物站的刀叉牌,不少馬拉松的水站、食物站有圖,驚死你唔知有水飲。

香港人只知道寶礦力,但在大阪幾天都不見有寶礦力,大會的Sport Drink是另一隻Amino Value。

我還以為自己去了西藏,第一次跑馬拉松有氧氣提供!跑馬拉松缺氧真係未聽過。

我估絕大部分跑手都會錯過這攤檔,幸好我眼利,賽道上有乜得意野都逃不出我的法眼。我都有試下索氧,第一支聞唔到有乜特別,可能無乜氧氣剩;攞第二支都係咁,乜味都無,淨係聞到自己呼出來的氣。

另一項大發現,跑的中途還可以祈福!摸摸神像隻板,祈求神明保祐你無事走完啦!你話,大阪馬拉松係咪好古怪、好過癮?

1 則留言:

Unknown 說...

日本人就是這樣的周到及估佢唔到!