Isle of Wright．搭程巴士要50蚊，唔鬼係呀？

扒完龍舟搞到high high地，英國天氣又出奇地好，不如繼續扔下功課，與UCL眾多友好、HKU及大公關A，一行八人去英國南端的Isle of Wright島！八人同行，火車同船都是四人價錢，抵晒！！！

呢個島好很遠！最靚係島的西端的峭壁，9點半由倫敦出發、11點後到Portsmouth，11點九坐船，食過飯後，再要坐多兩轉車，到下午三時半，先至到島的最西端！島風光如畫，有農莊、海灘、懸崖、峭壁、山丘，馬路及行山徑就在岸邊，看日落、踏單車、跑步和行山簡直無懈可擊！租間農莊B & B，或海邊酒店，休息三、五天，perfect！！！

所以成個島都是退休人士住，我們的出現，大幅拉低整個島住客的平均年齡！

西端的needle head，原來有個冷戰時期的火箭研究中心（相裡面那個建築），是軍事重地。冷戰後沒有用了，研究中心變了博物館，可惜太遲去到，已經關了門，反正也沒有人，也只好爬過鐵欄，才可以靠近島的最西端。

版主潛入飛彈基地的同時，其他友好去了Fresh Water Bay，諗住玩沙灘波同游水。個石灘真係削到不得了，成個灘都係維園阿婆好仲意踩的卵石徑，大家一齊腳底按摩，突然血脈高張，腎上線素激增，幾位男士仲high high地（下刪三百字，再講落去就要封膠袋．．．）

個島除左好很遠，仲好很貴！一程巴士要3鎊！（近50元）巴士day pass是10鎊（近160元），真係同打劫無乜分別！八個人夾埋，一日用左千幾蚊搭巴士，真係搞很錯！！！簡直想放火燒晒佢所有巴士。

好彩，島上都有些好人，麥記好體恤我地，突然賣大包，薯條買一送一、蘋果批送兩個、汽水同New York Supreme Burger送多個（因為太多人同時買，一時混亂，唔知乜食物已比左我地，我地取完，職員又拿過來）。

可惜我們只是預Day trip，而且花了大多時間在交通，結果趕頭趕命，一落巴士立刻喪奔到碼頭，但去到才知道，原來下一班船已是十時多，最終更搞到趕不及尾班車由Portsmouth返倫敦！（下回談）

但趕不到船也有回報，就是以下這風景，想起日本的宮島的大鳥居，很久沒有在海邊看日落了。擁有這風景，趕不上船又有乜所謂？