上年征戰日本毅行者後，今年暑假到地球另一邊的英國，719、720挑戰英國毅行者。英國山矮易行，大會時限也只是30小時（香港和日本是48小時），但原來一點也不易應付，因為英國樂施會對參加者的支援，遠遠不及日本樂施會和香港樂施會！英國毅行者，原來每個Check point都將近沒有食物，只有水和能量飲料！！！單是這點，已可以令班不到support crew的海外隊伍跪低。上周與隊友S聽完briefing後，才發現香港和日本樂施會實在服務周到，籌款的下限只是港幣六千及八千元不等，但每個check point都有基本糧草提供，日本更提供有行李寄運服務，參加者只要把大包小包交給大會，便可以寄運至cp4、cp7及終點！
英國原來甚麼都沒有！沒有食物、沒有行李寄存，就連起點也設在荒山野嶺，參加者請帶同帳幕及睡袋，在起點附近的campsite露宿一晚啦！對於我們這種，在英國無親無故、無朋友曉駕車的參加者，實在極之難搞！！！已經沒有時間操練了，還要有一大堆logistic、support問題要考慮。（英國樂施會唯一好的，就係brief在酒店搞，參加者有三文治、水果、奶茶咖啡等簡單食物提供，環境比香港的聖安德烈堂好得多了。）
但我隊遇到的最大問題，還是人腳到現在還不齊！！！雖然還有三個半月才比賽，但我隊的人腳如走馬燈，先後已換了4個人！！！報了名的G話唔玩、P又話公司臨時調她回香港工作、一開始願意落搭的S話，突然有問題要處理，暑假不能玩！現在到現在還是三缺一！！！
所以仍然要繼續招募隊友！！！（有無人，七月會來英國呀？順便玩埋毅行者啦！！！話晒，今年唔玩，以後都無機會可以組到隊啦！！！）
未開閘、先墮馬，大概就是我隊的境況。如何操練？夠唔夠fit？到時會否迷路？．．．等等問題，已經無餘力去想了。
如果一早知道，英國毅行者是如此難搞，恐怕也未必會入飛！但既然入了飛，已有大量香港友好肯捐錢支援，總不能半途而廢！只好抱著中國共產黨的精神：下定決心、不怕犧牲、排除萬難、去爭取勝利！！！
PS：誠徵support team！有無人七月會在英國，同時又可以駕車呀？？？
7 則留言:
陽,其實你係時候整理下各地馬拉松向淚史,應該可以出本書,唔賣大錢留個紀念都好.
雖然這是我第一次參加毅行者,但總估不到最大問題原來係找隊友. 你交遊廣闊, 找遍整個地球還是欠一隻腳, 不過, 我有信心總會找夠人的!加油! 多謝組隊, 否則我呢世人都未必有機會參加.
隊友S
其實有無諗過毅行本身的精神就係咁呢？係唔係我地自細被寵壞，特別係日本（有埋行李托運）？如果好似英國咁艱辛既毅行者你都過到，成就感咪仲大？
fai
真可憐，可惜山長水又遠，淨係去英國行趟毅行者實在唔化算，加算7月機票貴......又或者會唔會有精彩餘興節目？否則可以考慮下喎。
n小姐
我幫你係facebook問下英國朋友,
但係要幾錢同埋佢地跑步多d喎.
你係香港都諗住唔用support啦, 英國山好行好多. 同埋TW可能對佢地黎講大易, 因為佢地玩開一日三尖架 :P
你呢D唔係叫做墮馬,係連馬到未搵到呀.
不如好似香港毅行友咁,上網吹雞班馬喇.
如果最終三缺一,咪照行囉.好多隊都無法四人完成架喇...腳七
拜讀了閣下《信報》鴻文,果然係有見地之作,犀利。
Ryan
發佈留言