(若大家喜歡我鏡頭下的馬拉松風景,不妨Click樂施會的標誌,資助他們的扶貧工作)

2007年6月10日星期日

福岡一.睇靚女、去福岡

馬關對岸就是福岡縣,到福岡市坐新幹線不到半小時,既然Lonely Planet Japan介紹,福岡女人靚絕日本,想也不用想,下一站福岡!

與日本其他城市比較,福岡平凡得很,除了聞名的博多拉麵、福岡國際馬拉松及睇女外,沒有甚麼值得觀光,但由於交通方便,是新幹線的終站,以福岡作九州北部遊的基地,晚上留宿福岡、白天到附近城市Day Trip也算方便。

在福岡三天兩夜,唯一享受是連續兩晚都到「萬葉之湯」浸溫泉。「萬葉之湯」與山中湖的「紅富士之湯」差得遠了,既沒有景睇、收費又貴兩倍多,該公司聲稱,溫泉都是每日由距離福岡180公里的武雄同湯布院運送,所以D料堅過石堅,即是說收約2000Yen(約130港元)一劑都合理。

碰巧那兩晚,成個池得幾丁友浸,浸完再食返杯雪糕涼一涼,好x舒服,半夜12點浸返回市區正是時候,因為附近就是酒吧區及紅燈區,在街上徘徊著足、已經賞心悅目,質素較新宿歌舞伎町佳,LP的確沒有介紹錯。(講左咁耐,但一張相都無,真係唔好意思!我都想影,但用一般數碼相機,難以夜晚影女!)

當然福岡也不是如此不濟(若不計睇女),影響日本歷史最最深遠的戰役,就是在福岡開打,700多年前的鎌倉時代,元朝忽必烈的艦隊先後於1274年及1281年兩次進攻福岡,但都因為十級颱風而全軍覆沒,若沒有這兩場颱風,歷史不知會怎樣發展。

今天的福岡海邊平靜得很,只剩下人工修復好的古堤牆,當年的日本武士就是在岸上與蒙古騎兵(日本稱蒙古兵為元寇、正如中國歷史稱日本海盜做倭寇)短兵相接;當年的十級颱風,被尊為保祐日本的神風,二戰撞戰艦的自殺式神風特攻隊就是以此為名。

為何橫掃歐亞、消滅西夏、花剌子模、金、南宋、伊斯蘭阿巴斯王朝、俄羅斯、迫近維也納的蒙古騎兵,竟然連續兩次在日本全軍覆沒?那兩場神風真的那麼厲害嗎?

明天續談。(唔好以為我唔識寫、要臨時搵書!只是今晚要去練跑,再寫埋就無時間去跑!)


PS:LP讚福岡女掂的原文是Nationally, Fukuoka is known for its Hakata bijin (beautiful women)!

4 則留言:

匿名 說...

好一個旅遊blog, 我會多o的上黎。除左寫旅遊, 也可寫下你的艷遇or情史....

大小姐 說...

喂,睇靚女駛乜去到福崗咁遠呀?

匿名 說...

好冇說服力,一張靚女相都冇…haha

同意鮑生,旅遊應包括艷遇的﹗kaka

LM

Chong Hiu-yeung (莊曉陽) 說...

晚晚蒲吧就有艷遇!但日日好鬼早起身觀光,未到八點就出門口(去築地五點幾要起身),夜晚去浸下溫泉休息下好過啦,我鬼有你咁叻,識到韓國人咩?

大小姐,你真係信心爆棚,佩服佩服!難得你就靚爆燈,咁駛唔駛睇醒呀x生,睇下呢幾日單仁寫乜呢?